skoða í stærri mynd (195 kb) - skoða í stærstu mynd (280 kb)

Grunnskipulag, endurbætt gatnamót og aðkomuleiðir (mars 2003)

Hugmyndin í sinni fyllstu mynd gerir ráð fyrir stæðum fyrir fólksbíla í kjallara, stæðum fyrir rútur aðeins undir núverandi jarðhæð og loks strætisvagnastæðum á palli þar yfir. Í kjarna miðstöðvarinnar væri margvísleg verslun og þjónusta en íbúðir í háhýsi er risi þar upp af.

Miðstöðin væri byggð samhliða endurbótum á gatnamótum Miklubrautar og Kringlumýrarbrautar. Fyrir Kringlumýrarbraut miðri yrði lagður einfaldur tvístefnustokkur undir Miklubraut, fyrir öll ökutæki undir 2,5 til 3ja metra hæð. Á hinn bóginn kæmi einföld tvístefnubrú á Miklubraut yfir gatnamótin.

Stokkurinn og brúin mynduðu hindrunarlausar beinstefnuleiðir og léttu umferðarþunganum af gatnamótunum, sem breytt yrði í hringtorg. Núverandi akreinar beggja brauta, áfram í svipaðri mynd, þjónuðu þá fyrst og fremst stórum ökutækjum og þeim minni bílum sem væru á leið inn á nýja brautarstefnu um hringtorgið.

Þessi einfaldi háttur á gatnamótunum myndi opna greiðar leiðir að umferðarmiðstöðinni, jafnframt því að tengja mætti bílastæðahús Kringlu við Miklubrautarbrú með einföldum rampa, ef ástæða þætti til, og létta þannig álagi af götunni Kringlu, meðfram verslunarsamstæðunni.

__________________________________

Leiðakerfi Strætó:

> Leiðakort: 13 stofnleiðir - 8 innri leiðir

> Greinargerð: Drög að leiðakerfi

> Umferðarmiðstöð og skiptistöðvar

> Umferðarmiðstöð við Kringlu

> Merkingar vagna og biðskýla

> Fortíð og framtíð

© mars 2003

Árni B. Helgason

prenta skjal

Rómanza: heim á kvist